Siç raporton ky komision, nga rezultatet finale del se 73.3 % e nxënësve kanë kaluar testin e maturës shtetërore.

Një shkallë më e lartë e arritshmërisë vërehet tek pjesa e mësimit në gjuhën shqipe e që përputhet me 73.3 %, te gjuha boshnjake 88.7%, tek gjuha turke më ulët, 56.6%.

Nuk vërehet një rënie e madhe me vitin e kaluar, ku kalueshmëria ka qenë 83.5%.

Sipas Ministrit të Arsimit, Shkencës dhe Teknologjisë, Shyqyri Bytyqi ky rezultat është real. “Nuk kemi prit më shumë. Ne kemi pas synim të kemi rezultate reale”, ka thënë ministri.

Ndërsa për shkak të parregullsive të cilat ishin nga testi janë larguar 87 nxënës dhe tetë administratorë.

Tutje në konferencë u tha se, komisioni tani është në fazën e përgatitjes së mbajtjes së testit për pjesën e dytë, që do mbahet në gusht. Ndërkohë, javën e ardhshme do caktohet data se kur do mbahet ky tekst.